Эбээн Бытантай улууһун Кустуур нэһилиэгэр Учуутал күнүгэр анаан «Маранга» этнокултуурунай киин үлэһиттэрэ оскуола иннигэр көһө сылдьар кыра кэнсиэр оҥорон соһуччу үөрү&#11

Эбээн Бытантай улууһун Кустуур нэһилиэгэр Учуутал күнүгэр анаан «Маранга» этнокултуурунай киин үлэһиттэрэ оскуола иннигэр көһө сылдьар кыра кэнсиэр оҥорон соһуччу үөрүүлээх түгэни бэлэхтээтилэр. Бу үөрүүлээх бэлиэ түгэҥҥэ олохтоох дьаһалта баһылыга Роберт Колесов учууталлары чиэстээн, дьаһалта аатыттан кыраамата үөрүүлээх быһыыга-майгыга туттарда.

Кустуур орто оскуолатын дириэктэрэ Анна Никитина эмиэ бэйэтин үлэһиттэрин бу үөрүүлээх күнүнэн эҕэрдэлээн туран, махтал сурук, кыраамата, өр сыллар усталарыгар үтүө суобастаахтык үлэлээбит үлэһиттэригэр Ольга Николаевнаҕа «Аллараа Бытантай нэһилиэгин бочуоттаах олохтооҕо», Валентина Николаевнаҕа «Учууталлар учууталлара» үрдүк бэлиэлэри, Матрена Алексеевнаҕа Эбээн Бытантай улууһун баһылыгын 50 тыһ. солк. суумалаах гранын туттаран үөрүүлэрэ үксээтэ.

Ону тэҥэ оскуола 2020 сыллааҕы выпускниктарын аатыттан Алеша Стручков алын кылааска үөрэппит учууталларыгар Надежда Егоровнаҕа соһуччу бэлэх туттаран үөртүлэр.

Маны тэҥэ «Маранга» этнокултуурунай киин салайааччыта Розалия Макарова нэһилиэк култуурунай олоҕор көхтөөх кыттыыны ылар ахтыбыыстарыгар бэйэтин аатыттан кыраамата туттаран чиэстээбитэ дохсун ытыс тыаһынан доҕуһуолланна.

Ити курдук ырыа куттаах Кустуур нэһилиэгэр Учуутал күнэ сэргэхтик бэлиэтэнэн сырдык өйдөбүлү хаалларда.