"Олоҥхо саха норуотун барҕа баайа"

Алтынньы 28 күнүгэр "Маранга" этнокультурнай кииҥҥэ сүрдээх киэҥ ис хоһоонноох тэрээһин буолла. Алын кылаас оҕолоругар олоҥхо эйгэтин сырдатан, ЭКК "Маранга" этнофольклорун салайааччыта, Кустуур оскуолатын технологияҕа учуутала Зинаида Анатольевна Колесова уонна ЭКК "Маранга" иһинэн "Үрүйэчээн" ансаамбыл салайааччыта, Кустуур оскуолатын муусукаҕа учуутала Мария Павловна Стручкова иилээн саҕалаан ыыттыллар. Зинаида Анатольевна олоҥхо сүрүн өйдөбүлүн презентацияҕа көрдөрөн оҕолорго кэпсээбитин сэргии иһиттилэр. ЭКК Маранга үлэһиттэрэ Олоҥхоттон быһа тардан абааһы уола Туйаарыма Куону уорарын, ону Дьулуруйар Ньургун Боотур бухатыыр быыһыырын көрдөрөн өссө ситэрэн-хоторон биэрдилэр. Түмүгэр, оҕолорго викторина оонньоттулар уонна минньигэс бэлэҕинэн күндүлээтилэр.
Олоҥхо саха норуотун бары мустубут баайын үөрэтэр, иитэр үтүө өрүттээҕин умнубакка, маннык тэрээһиннэр өрүү буола туруохтаахтар диэн Культура үлэһиттэрэ санааларын этэллэр. Аны олоҥхо декадатыгар өссө киэҥ мастааптаах үлэ былааннанар диэн сырдаттылар.

Ссылка: https://disk.yandex.ru/i/-6PzV-4mVo2qiA
Ссылка: https://disk.yandex.ru/i/Mh1sxagTqSKdgw
Ссылка: https://disk.yandex.ru/i/GV78fFSHAgW3UA

Дополнительные фотографии:  Загрузить / Загрузить / Загрузить / Загрузить