Новости этнокультурного центра "Маранга"

Үөрүүлээх сонуннар
Быйыл 2025 сыл биһиги культурабыт киинигэр үөрүүлээх үрдүк ситиһиилээх сыл буолар. Ол курдук, 50 тыһыынча нэһилиэнньэлээх кулууптарга материальнай техническай база бөҕөргөтүүтүгэр аналлаах сылын аайы ыытылллар субсидия конкурсугар кыттан аныгы обродуованияны – лед экраны ылан үөрүүбүт улахан. Бу экран ылыллыытыгар   Саха Сирин Правительствотын бюджетыттан 818 545 солкуобай көрүлүннэ. Администрация таһаарбыт закупкаҕа тендеригэр Карачаева –Черкесскэй республикаттан  ИП Пушкаренко кыайан, оборудованияны толору аҕалан кэлэн, кэмигэр туруорда. Манна кэккэ үлэлэспит дьоммутун, администрация баһылыгын Колесов Р.А., специалистарыгар, бухгалтербытыгар Иванова М.И.,  сүүрбүт –көппүт Горохов Максим Исааковичка уонна Скрыбыкин Денис Дмитриевичка махталбытын тиэрдэбит. Итини таһынын бэйэбит улууспут баһылыгар  Стручков И.Н. уонна улуус культуратын управлениятын начальнигар Слепцов С.С махтанабыт. Кинилэр Правительствоҕа сылдьан, көрсөн улуус үбүлүөйдээх датата диэн сөбүлэҥ ылан, бу экран кэлэригэр күүс- көмө буоллулар.  Экраны программанан анаан туруорбут киһибитигэр Рожин С.П.  эмиэ улахан махталбытын тиэрдэбит.  Бу субсидия күрэҕэр 4 сыл устата докумуон хомуйан  кыттабыт эрээри, куруук аткаас ылар этибит. Сүрүн биричиинэтэ диэн, кырыы, кыра нэһилиэк. Субсидия квотата сылга 20 эрэ көрүллэр. Билэрбит курдук Республика үрдүнэн 400тэн тахса кулууп баар. Республикаҕа араас күрэхтэр ыытыллалларыгар биһиги партиябыт «Единая Россия» улахан күүс-көмө буолар. Республикабыт сайдарын туһугар элбэх үтүө үлэлэр куруук ыытыллаллар. Ол курдук,  арктическай улуус субсидияҕа кыттан, үбүлэнэн, үлэбитигэр улахан өйөбүл буолар. Сүрүн партиябыт үлэтэ-хамнаһа өссө ситиһиилээхтик тахсарыгар, ылаллыбыт кэккэ былааннара олоххо киирэллэригэр диэн алгыыбыт.
ЭКК «Маранга» директора Макарова Р.Н.
«Бу саҥа экран туруораннар биһиги, аҕам саастаахтар, олус диэн үөрдүбүт! Олох атын кэм кэллэ диэн күлэ-үөрэ сылдьабыт.
Урут хайдах этэй? Бырааьынньык буоллаҕына илиинэн барытын киэргэтии буолан сылаалаах буолааччы. Оттон билигин бу экран баар буолан, мероприятия барыта экранна араас тематическай футажтары тутталлар олус учугэй. Нэьилиэк аҕам саастаахтара мустан экранынан  фитнестыыбыт. Онно аналлаах эрчиллиилэри холбоон биэрэллэр. Экран диэн улахана, сырдыга сүр! Инструктор хайдах хамсанарын барытын чуолкайдык көрөн турабыт, харахпыт да сылайбат.
Олохтоох дьаһалтаҕа уонна Экк Марангаҕа улахан махтал! Биһигини, кырдьаҕастары, умнубакка маннык аныгы технологияны туһанан дьарыктыыргыт олус үчүгэй. Билигин "фитнес" диэн тугун бэйэбит этинэн-хаанынан биллибит. Бу экраны көрө-көрө дьарыктаныахпыт этэ!»
Саргина Мария, Кустуур олохтооҕо

Биһиги, эдэр дьон, маннык уларыйыылары олох икки илиибитинэн өйүүбүт! Тоҕо диэтэргэ:
Аныгылыы көрүҥ. Нэһилиэкпит киинэ тута тупсан, куорат курдук аныгылыы буола түстэ. Олохтоох кулууппутугар туох буоларын, ханнык тэрээьин дуу, киинэ дуу  билигин экраҥҥа тута көрөбүт. Инникитин бу экраҥҥа бэйэбит бастыҥ эдэр дьоммут туһунан кылгас роликтары, спорт ситиһиилэрин көрдөрөллөрө буоллар өссө үчүгэй буолуо этэ. Оччоҕо ыччат барыта бэйэтин төрөөбүт сиринэн өссө күүскэ киэн туттуо этэ.
Маннык тупсарыы иһин тэрийээччилэргэ улахан махтал! Нэһилиэкпит өссө да сайда, тупса турдун!

Горохова Любовь, Кустуур эдэр ыччата

Эбээн Бытантай национальнай улууһа, Кустуур сэл. "Мэрлэнкэ" ансаамбыл толоруутугар "Оралчимна гиаду".

Эбээн Бытантай национальнай улууһа, Кустуур сэл. Станислав Самойлов толоруутугар "Хоту киһитэбин".

ЯСИА новости. Мэрлэнкэлэр Москуба5а анардастыы аатырдылар. Анфиса Слепцова

көрүҥ, сэргээҥ!!!!! Саха сирин күнүгэр аналлаах Республика таһымнаах флешмобу

Бу күннэргэ биһиги улууспутугар Артем Николаевич Корякин, Өрөспүүбүлүкэтээҕи норуот айымньытын Дьиэтин сүрүннүүр исписэлииһэ, Аркадий Анатольевич Ефремов эдэр исписэлиис кэлэннэр, төрүт фольклорбутун үөрэтии таһыма хайдаҕын видеоҕа устан, култуурабыт үлэтэ хайдах барарын билэн-көрөн бардылар.