Новости

Ырыа куттаах Кустуур сиригэр “Бытантай” вокальнай – инструменатальнай ансаамбыл биир дойдулаахтарыгар тыыннаах дорҕоон дьоро киэһэтин бэлэхтээтэ 14.12.2021 07:54Бытантай уоттара

Санатан аастахха, 1982 сыллаахха Саргин Вячеслав Валентинович көҕүлээһининэн ансаамбыл тэрийэн, эдэр ыччаты түмэн ВИА тэриллибитэ.

Ол саҕанааҕы олохтоох дьаһалта сэбиэтин баһылыга Колесов Егор Иннокентьевич муусука дьонун өйөөн, оркестр ылан биэрбит. Бөлөҕү «Аартык» диэн сүрэхтээн үлэлэрин саҕалаабыттар. Ансаамбыл бастакы састаабыгар Петр Горохов, Роберт Колесов, Гаврил Боярский киирэннэр Вячеслав Саргин салайыытынан үлэлээбиттэрэ. Ол саҕанааҕы солистарынан Роман Иванов, Михаил Уманов, Виктория Захарова, Сахаяна Колесова, Екатерина Семенова, Степан Слепцов, Раиса Горохова, Стас Самойлов, Зинаида Колесова, Оксана Боярская, Анна Саргина буолаллара. 90-с сылларга «Аартык» бөлөх улууспут нэһилиэктэригэр уонна Дьааҥыга гастроллаан дьон – сэргэ биһирэбилин, көрөөччү махталын ылыаҕын ылбыттара. 2016 сылтан ВИА үлэтин Стас Самойлов сөргүтэн «Бытантай» бөлөх ааттанан үлэлии сылдьаллар.

Кустууртан уопс.кэрр. Мария Саргина.